Musika kontzertuak

2017

Laugarren kontzertua Itsason, 2017ko ekainaren 21ean, 19:30etan izan da. Aurreko urteetan bezala eliza-atarian, baina itzal eta haize gehien korritzen duen frontoian (35º kanpoan), arku gotikoaren pean, Goiko Ostatuar atzean, eszenategi ederrean. Itsasoko gazteak, Ormaiztegiko ikaskideek eta Txindata Musika eskolako irakasleek lagunduta, izan ditugu musikaz gozarazten.

Itsasoko 9 kide guztira oraingoan: Manex, Amalur, Maddi, Elorri, Eneko L. M., Aitor, Eneko L. A., Charisa eta Gloria. Eta bestanbeste musika tresna: gitarra, zeharkako xirula, xirula, txistua, pianoa, akordeoia (irakasleak), danbolina eta ahotsak.

Aurtengo ekarpenetako bat Willis familiaren bi ahizpena izan da, bata pianoan eta zaharrena ahotsez Homeward Bound interpretatzen. Elkar osotzen, daukagunaren hoberena eskainiz.

2016

Hirugarren kontzertua, 2016ko ekainaren 10ean. Aurtengoa ere eliza-atarian. Iaz bezala, Gabiria eta Ormaiztegiko ikaskideek lagunduta, Itsasoko ume eta gazteek, hiru irakasleen zuzendaritzapean kontzertu atsegina eskaini zuten. Hona hemen errepertorioa, argazki zein bideotan.

20160610_193413 Oh, Pello, Pello: Manex Zabalo eta Xabier Aldanondo (txalaparta)

Oh, Susana – Afrikan nago: Eneko Lizardi (txirula)

Arratsa Moskun: Andrea Arzelus (txirula)

Herribehera: hezkuntza musikal taldea

Movie medley: flauta taldea

Behin batian Loiolan: Maddi Salutregi (flauta) eta Elorri Zabalo (pianoa)

Pello Joxepe: Aitor Salutregi eta Eneko Lasa (txistuak)

Maite zaitut: hezkuntza musikal taldea

Disney madley: flauta taldea

Donostiako hiru damatxo: Eneko Lasa (txistua)

Aberriaren Mugak: hezkuntza musikal taldea

Emanaldiko zati batzuk bide honetan ikusgai:

2015

Bigarren Kontzertua,Itsasoko eliza-atarian.

2015eko ekainaren 12an, arratsaldeko 7,30etan, Itsasoko eliza atarian, eszenatoki apartan, ordubeteko saioa eskaini zuten herriko ikasleek, Ormaiztegi eta Gabiriakoek. Askok bete genituen eserlekuak, hunkitzeraino zenbait momentutan: bakarka txikiak, sei eskutara pianoa, denen arteko sinfoniak…

Segidan doazen argazkiek eta bideoak erakusten dute eskainitakoaren tamaina. Oso eskertuta inguruko herrietatik etorritako guztiei!!!!

Talde ia osoak eskainitako Loretxoa abestiaren bideoa hemen:

2014

Ostiralean, ekainak 6, iluntzeko 8:00etan, lehen aldiz Itsason, Txindata Musika eskolako ikasleek kontzertua eman zuten.

Zeharkako txirulak, txistuak, poxpolinak eta ahotsak izan genituen. Herrikoez gain, Ormaiztegitik eta Gabiriatik ere etorri ziren eta guztira 16 gaztetxok parte hartu zuten Arantxa eta Puy irakasleekin. Ederra izan zen eszenategia plaza librean eta erakutsitako lana eta maila.

Amaieran plazako eskolan mokadu bat eskaini zitzaien eta hurrengo urtera arte!! esanez eskertu.

Urte asko da hiru herrien artean Musika Eskola hau sortu zela eta, harrez gero, geure gazte gehienek bertan hezkuntza musikala eta musika tresnaren bat landu dute. Urtero bina ekitaldi Ormaiztegin eta Gabirian eskaintzen dituzte eta hemendik aurrera Itsason bertan ere aukeraz gozatzea espero dugu.