Itsasoko jaiak 2014
Itsasoko jaietan herri kirolak
Itsasoko jaietan herritarrek askotan parte hartu izan dute era batera edo bestera, aizkoran, txirringaz Alegiatik Itsasora, gizon-proban… eta azkeneko urteotan talde urdinak eta berdeak koxkola biltzen, binakako zaku karreran, trontzan, txingekin eta soka-tiran. Aurten, iaz bezala, Goierriko aizkolariek lagundu dute ikuskizuna osatzen.
Itsasoko jaien bigarren asteburua
Lehenengoa jendetsua izan bazen, bigarren honek aurre hartu dio, izan ere, abuztuaren 30ean paella egiteko 17 bikote izan baziren, dastatzeko eseri zirenak 215 lagun inguru. Urtetik urtera handitzen doan ekitaldia dugu eta denen parte hartzea ikusgarria: prestaketa lanetan, epaimahaian, banaketan, etxeetatik postreak ekarri eta denon eskura jartzean…
Eta itsasoarrok, Ostatuko Pepiri gure esker ona adierazteko gau hau zela egokiena pentsatu genuen eta halaxe, merezitako omenaldi hunkigarria eskaini genion.
Eta kantuekin, herriko gazteen musikaz lagunduta, segidako kontzertuari aterak ireki zitzaizkion, izan ere, Gabiriako Jon Gorrotxategik, Jon eta Julen Sagarnak eta Ormaiztegiko Iñaki Rezustak osatzen baitute GURI BOST musika talde indartsua.
Itsasoko jaien lehen asteburua
Itsasoko jaien egitarauak bi asteburu bete eskaintzen ditu urtez urte eta abuztuaren 22tik 24ra bitarte jaso ditugun irudi hauek adierazten dute izan dugun giroa, elkartasuna eta ilusioa.
Argazki galeria hau osatzen joango gara argazkilari guztien ekarpenekin. Laster arte!!!
Itsasoko Jaiak 2014 egitaraua
Aurten ere abuztuko azken bi asteburutan ospatzen ari gara Itsasoko Jaiak. Eta jarraian Kizkitzako eguna izango dugu irailaren 8an, astelehenez. Hementxe egitaraua (sakatu bere gainean handitzeko):
Gozatu festak!!!
itsasoko argia 