Itsasoko Ostatua Manu Hernándezen Mairama enpresak hartu zuen uda honetan eta inaugurazio ekitaldia uztailaren 20an jendetsua izan zuen, izan ere, Ostatua hamar hilabetez itxia egon eta gero, berriz irekita ikusteko irrika bizia baikenuen denok. Ostatuak herriari eransten dion balioa handia da eta beti eskertzekoa.
Harrez gero Itsasoko festak eta hainbat ospakizun izan dira eta irailean aipatu genuen Kizkitzako festetara lehen aldiz igo behar izan zutela. Hango taberna, parrilla eta bazkariak beti Itsasoko Ostatuaren ardura izan baitira (garai batean bi Ostatu genituenean biak igotzen ziren eta baita Alegiako Landanekoak ere).
Eta Manu Hernándezek Kizkitzarekin izan zuen harreman txundigarria “Itsasoko argia” pintxoan adierazi du, sentsazio guztiak: barneko itsasargia pizturik, goizeko ihintza, bertan eginiko lehen mokadua eta bidean ikusitako ardien oroimena, Kizkitzako belardia, bidezidorretan hankarrastoak eta pagoen zuztarrak. Omenaldi izugarria halako parajeari!!! hunkituta jaso genuen bere hitzetan pintxoaren aurkezpena (Argazkiak: Miryam Galilea)
“Itsasoko argia” pintxoa. Igandetan izango da berau dastatzeko aukera.
Manu sukaldaria atalez atal esanahia eta nola prestatu duen adierazten: urdaizazpiko eta gazta kroketa, barazkien krema, onddoena eta tipula xigortua. Segidan halako pintxo orijinala dastatzeko aukera izan genuen bertaratu ginenok.
Egunkarietan:
itsasoko argia 